Kening fan 'e Greide
|
Wat soe Fryslân wêze sûnder ús fûgels ? As de maaittiid komt en de ljippen en skriezen binne wer yn 'e loft, dan libbet it greidelân.
De Skriezen binne werom ....
It hat efkes duorre, mar se komme d'r oan. De Ryksuniversiteit fan Grins (RuG) hat yn it ramt fan it projekt 'Kening fan 'e Greide' yn 'e winter en maaitiid fan 2013 yn de streek Extramadura (Spanje) 15 skriezen in lyts senderke mei jûn. Sa wiene se troch de wittenskippers goed te folgjen. Fia it ynternet koe eltsenien dat ek. Alle 15 fûgels hawwe doe in namme krigen fan in plak of stêd oan de trekrûte. Ien fan de skriezen wie Amalia* !! De fraach is fansels of alle fûgels nei dit jier ek wer nei Fryslân fleane soene. Ús Amalia kam op snein 24 febrewaris 2019, werom yn Fryslân. De fûgel fleach op dizze dei de provinsje binnen en wie dêrmei ien fan de earste skriezen dy't werom kaam yn Fryslân. Amalia wie hast 2,5 wike earder yn Fryslân werom as yn 2018. Hy makke in nei nestke, ticht by it nestke fan 2018, by Britswert. Folgje de skriezen en win.......
|
mear oer 'Kening fan 'e Greide'
Skries op 'e hikke by Hollum (RDV4082).
Yn de wurkwinkel (workshop) 'Fûgels yn Fryslân' leare wy mear oer ús greide- en wetterfûgels. En wêr kinst dat better dwaan dan yn ien fan de moaiste natoergebieten fan Nederlân: hjir tichtby yn it Noarderleech oan it Waad.
Yn it twaddle diel fan dizze wurkwinkel komst ek yn 'e kunde mei fûgels tichter by hûs, de fûgels yn 'e tún en de bosk. 
In hoarnûle yn 'e bosk fan 'e Mûnein.
Hoe giet it mei ús ljippen no't der dit jier ek net nei aaien socht wurdt.
|
Wer makket de alderearste skries fan 2022 harren nestke* ?
|
It is de bedoeling, dasto sa naukeurich mooglik it plak fan it nestke fan de alderearste skries, dy't yn 2022 yn Fryslân oankomt, op in Google Earth foto (as kaart) oan joust.
Dat giet sa: 1. Gean nei Google Earth en flean nei Fryslân ta. 2. Sykje dyn kar foar it plak fan it nestke op. 3. Set de giele punêze sa ticht mooglik by dit plak (sa as op 'e foto). 4. Meitsje in print fan it skerm (screenshot). 5. Stjoer dit printsje yn dyn mailtsje nei GeoGraphixs. (doch dat foar 20 febrewaris 2022 om 12.00 oere) |
|
* Nei ûndersyk kam oan it ljocht, dat Amalia eins in hij-ke, in mantsje wie. Hy is ferneamd nei de stêd Santa Amalia yn de Extremadura (súdwest Spanje) en dus net nei Prinses Amalia. No dat it al mear as in jier lyn is, dat Amalia foar it lêst yn Fryslân sjoen is, tinke de wittenskippers, dat hy net mear libbet. It kin ek wêze, dat syn senderke op syn rêch net mear wurket. Litte wy der dan mar fan dat lêste út gean.
Ek yn 2019 komme de Skriezen werom nei Fryslân. Sjoch mear op dizze kaart fan Kening fan 'e Greide.
Mear oer de trek fan fûgels
Op in nije webside fan de National Geographic is de trek fan 7 ferskillende soarten fûgels yn byld brocht... ek hjir in tocht fan tûzenen kilometers.
|
|
Sjoch foar mear op National Geographic.
|
In boek mei 42 fûgels dt't wy yn it Waadgebiet sjen kinne, yn it Frysk en it Platdútsk (Plattdüütsk), de taal fan ús buorlju yn East-Fryslân. Wy hawwe in mienskiplike skiednis en libje oan de selfde see, ús Waadsee. For safier mooglik steane de fûgelnammen ek yn de talen fan de eilannen, sa as it Tekselsk en de talen fan Skylge, it Amelân en Skier.
|
titelfoto: De Kening fan de Greide, www.bolswardernieuwsblad.nl (gjin copyright ynformaasje by dizze foto).