Op it skoalboerd |
|
|
Skjin Wetter
7 oktober 2023 - Hjoed is de start fan Skjin Wetter. Yn njoggen Fryske gemeenten binne frijwilligers fan sportklups, ferieningen, organisaasjes bedriuwen en skoallen yn aksje om it Fryske wetter skjin te meitsjen (en te hâlden!). Ferline jier is der mar leafst 842 kilometer oan grêften, kanalen, sleatten, marren, bermen en wâlskanten skjinmakke. kinst noch oant en mei 14 oktober foar Skjin Wetter oan de slach, mar dasto der dêrnei mei trochgean kinst noch folle better!
Kitten of flechtling?
Wêrom binne wy empatysk foar guon en ûnferskillich, of wreed tsjin oaren? Wêrom helje wy de iene flechtling yn ús eigen auto op en litte wy in oare dea befrieze oan de grinzen fan Europa? Hokker meganismen lizze hjir efter? Wa stiet boppe oan op ús empatyljedder by it meitsjen fan besluten oer libben of dea? Binne empaty en ksenofoby ferskillende kanten fan deselde medalje? Dat is de fraach dy't Tina Farifteh ús stelt yn 'Kitten of Vluchteling'. De dokumintêre wurdt op 26 septimber yn 2Doc útstjoert.
Tina Farifteh (1982) is berne yn Teheran (Iran). Doe't se 13 jier wie kaam se fan Teheran nei Nederlân en yn 2021 studearre se ôf oan de Koninklijke Akademy foar Keunsten yn Den Haach. Tina wennet en wurket no yn Seisbierrum.
Har ôfstudearprojekt 'The Flood', is in audiofisuele ynstallaasje oer de úteinlike gefolgen fan it brûken fan wettermetafoaren lykas 'floed', 'tidal wave' of 'tsunami' yn it nijs oer flechtlingen, wûn meardere prizen. Yn har nije film Kitten of Vluchteling? ûndersiket se wêrom't guon flechtlingen mei iepen earms ûntfongen wurde, wylst we oaren by de Europeeske grinzen ferdrinke litte. Kitten of Vluchteling? is selektearre foar de Nederlands Film Festival (NFF) Debútkompetysje en giet yn premjêre op 24 septimber. It is in multymediaal projekt oer ferpleatsing, ôfskieding, assimilaasje en langstme nei in thús. 'The Flood' makke se yn 2021, mar beide binne te sjen op it Nederlands Film Festival 2023 (22 oant en mei 29 septimber 2023). 
Klazina Hofstee, programmamakker, hie foar Buro de Vries (Omrop Fryslân) in ynterview mei Tina. Dit waard útstjoerd op snein 24 septimber, op de dei fan de premiere fan Kitten of Vluchteling? It ynterview begjint by 28:10.
Fryske Streektaal Atlas 2022
De nijste ferzje fan de Streektaalatlas 2022 is op freed 22 septimber 2023 op in kongres yn Frjentsjer presentearre. Yn koarten is de atlas ek online op de side fan de Provinsje Fryslân te besjen, mar ek yn ús eigen GeoGraphixs mediatheek. Kinst in fergelyk meitsje mei de ynformaasje út de foargeande atlas, fan 2020. Hoe sit it mei dyn taal?
It brûken fan streektalen yn Fryslân en de eillannen. Boarne: Omrop Fryslân, 22 septimber 2023.
Griene Fingers....
Nei de maaiefakânsje start de workshop 'Griene Fingers/Groene Vingers '. Bist no al nijsgjirrich en kinst salang net wachtsje, klik dan hjir foar in koarte yntroduksje.
Nederlân Wetterlân
Yn april wurdt it tema 'Nederlân Wetterlân' ôfsletten mei in besyk oan it nije Afsluitdijk WaddenCenter by Koarnwertersân. Wy learre der mear oer de funksje fan diken en dunen by de beskerming tsjin it wetter fan de Noardsee, mar ek sjogge wy nei de nije ideeën foar de dyk op it mêd fan ûnder oare enerzjy en ekology. Sjoch hjir foar mear....
Coastwatch 2023
Nei de grutte rotsoai út de konteners fan de MSC Zoe, dy 't nei nijjiersdei 2019 op de strannen fan ús Waadeilannen en lâns de Fryske Waadkust oanspielde, hawwe wy de ynset yn 202o ferdûbele. Mar doe kaam de Korona. Yn ferbân mei it sluten fan de skoallen kamen alle maitiidswurksumheden fan Coastwatch stil te lizzen. Meikoarten krigest it nije Coastwatch-programma.
Sjoch hjir it ferslach fan Coastwatch 2019. Poetic Potatoes
Foar it tredde jier hawwe learlingen poatierappels yn de science-tún setten. Op 20 april binne se de grûn yn gongen. De ferwachting is, dat wy om 10 july hinne rispje kinne. It is noch in ferrassing wat de opbringst dit jier wêze sil. It 'rispfeest' sil yn alle gefallen it startskot wêze foar in tal nije kar-opdrachten fan GeoGraphixs. Neist in neier yn 'e kunde kommen mei it eilân Malta en de haadstêd Valetta (yn 2019 wie de stêd Kulturele Haadstêd fan Europa), sille wy oan de slach mei Poetic Potatoes en Farm of the World.
Mear ynformaasje oer de workshops:
Earder op it skoalboerd: AVG - nije privacywetjouwing
Mei yngong fan 25 maaie 2018 is de AVG, de nije privacywetjouwing, fan krêft. De foto's fan learlingen en klassen op Geographixs binne alle foar dizze datum makke. Geographixs soarget derfoar, dat alle nije foto's foldogge oan de easken fan de nije wetjouwing.
Svalbard (Spitsbergen) 2017
Fan 14 augustus oant en mei 1 septimber 2017 wie GeoGraphixs op Svalbard (Spitsbergen ). Der binne no keuzemodules beskikber. 
Ofbrekkende gletsjers soargje foar in soad driuwiis yn de Isbukta, 17 augustus 2017.
Klik hjir foar ynformaasje en keuze-opdrachten by Svalbard(Spitsbergen).
GeoGraphixs-Reis Iislân
Yn febrewaris 2016 (27 febrewaris o / m 4 maart) wie de GeoGraphixs Reis nei Iislân, dy 't diskear gearfoel mei de maitiidsfakânsje fan de regio Noard, sadat dizze kear ek dielnimmers út Noard-Nederlân de gelegenheid hiene mei op te stappen. Yn totaal binne wy mei 12 dosinten út it fuortset ûnderwiis nei Reykjavík ôfreizge. Neist in aardich fol deiprogramma, hawwe wy ek nei it ynfallen fan it tsjuster aktyf west. De moandeitejûns oant fier yn de iere moarn fan tiisdei hawwe wy mei eigen eagen it Noarderljocht bestudearje kinnen. 
Geothermysk gebiet fan Hveravellir.
GeoGraphixs Case Study - 21st Century Skills
Yn ús case-stúdzjes wurdt net allinnich in grut berop dien op dyn kreativiteit, dyn kritysk tinken mar ek op hoesto as ierdrykskundige oplossingen foar fraachstikken ûntwikkelje kinst. Yn dyn case-study toanst oan, datst goed kommunisearje kinst en datst in weardefolle partner bist yn gearwurking mei oaren. Bist net allinnich op ierdrykskundich-, mar ek op sosjaal en kultureel mêd feardich. Do witst de mooglikheden fan ict ta te passen. Klik hjir foar mear oer de GeoGraphixs Case Studies. IPCC-Seminar yn Switserlân
Yn wike 41 (5 o / m 9 oktober 2015) is in groep fan yn totaal 32 geografydosinten, wittenskippers en loftfearttechnologen yn Luzern, Switserlân, byinoar foar in tal seminars nei oanlieding fan it resint ferskynde IPCC-rapport 2014. Yn it ynternasjonale selskip binne ek twa Nederlanners, wêrûnder Rinze de Vries, dy 't ek al earder diel útmakke fan de ûnderwiisstúdzjegroep (2006 en 2009, Ijsland en Nij-Seelân 2008 en 2010, Switserlân 2013 ). Koartlyn is de jierrapportaazje fan 2014 ferskynd:
Meikoarten kinst op GeoGraphixs.com neier yn 'e kunde komme mei it wurk fan de ûnderwiisgroep IPCC. De earste lessensery giet oer de Gletsjers fan Grienlân. In oar projekt, dat fuort fuortkomt út de dielname oan it IPCC-ûnderwiis seminaar bedoeld is foar ús learlingen yn it twadde learjier vmbo-t, havo en vwo én ynteressearre learlingen út 2 vmbo basis en ramt: de waar - en klimaatmonitor. Meikoarten krigest mear ynformaasje fan de dosint(en) op dyn skoalle.
Fotografen socht
GeoGraphixs is wer op syk nei entûsjaste fotografen. Foar de begjinnende fotograaf is der de koarte basiskursus fotografy. Bist al wat langer mei dyn kamera op paad, meld dy dan oan as fotograaf foar GeoPhoto. Copyright
It is yn de ôfrûne tiid in pear kear bard, dat dielnimmende (Lio-)dosinten, sûnder mis te goeder trou, ynformaasje of oar materiaal op dizze webside set hawwe, dêr 't copyright fan oare partijen op rêst. Wy freegje jimme om foar it materiaal te pleatsen sekuer op copyright te kontrolearjen. Nim dan earst kontakt op mei de copyright-hâlder. Yn in soad gefallen sil tastimming foar pleatsing en / of publikaasje dan mooglik wêze. GeoGraphixs en Trijetalich Underwiis/Drietalig Onderwijs (DTO)
By GeoGraphixs is in grut part fan it ierdrykskunde lesmateriaal en workshops beskikber yn it Frysk en Ingelsk. Fan septimber 2013 ôf ek yn it Dútsk.... wy binne eins fjouwertalich. Modelmakkers
GeoGraphixs is op syk nei in pear entûsjaste modelbouwers foar it meitsjen fan romtlike (3 - D) skaalmodellen. Foar it kommende kursusjier steane nije modellen op 'e rol: kustfoarmen, skyld - en stratovulkanen, terpen, kustferdigeningswurken, stuwwâlen en gletsjers. Meikoarten start der in nije yntroduksjekursus (ynteresse-oere) foar learlingen út de brêgeklasse. Nije workshopsArcheologie Dichtbij is it ferfolch op it projekt ' Terpentocht ' foar Groep 8 / brêgeklasse fan in pear jier lyn. GeoGraphixs start wer mei de workshop ' Archeologie Dichtbij '. Neist in algemiene ynlieding geane wy oan 'e slach mei spoaren út it ferline yn ús omjouwing. Wy sjogge nei de skatten ôfkomstich út ús terpen en nei de bewenningsskiednis fan Westergo en Eastergoa. Neiere oankundigingen folgje noch. Nim alfêst by Terpen yn Fryslân, resint terpûndersyk by de terp(reste) fan Blitsaerd, Sotterum en de Beintums.
De Noard-Amerikaanske Yndianen is in workshop makke nei oanlieding fan de Noarderljocht / GeoGraphixs-reis nei British Columbia yn Kanada. De Nuxálk (rûnom Bella Coola) en de Namgis (op Vancouver Island) libje noch altyd net yn folle frijheid en harren bestean wurdt noch altiten bedrige. De grutskalige houtkape troch machtige multinationals bringe ûnbidige ferwoastingen yn it gebiet dêr 't se al iuwenlang wenje. Lês mear op Noarderljocht.
|
GeoGraphixs is foar dy!
Learlingen kinne foar útwreiding en ferdjipping fan harren kennis sawol gebrûk meitsje fan Basic GeoGraphixs as wol fan Advanced GeoGraphixs. It grutste part fan de workshops, lesmateriaal en opdrachten is by Advanced GeoGraphixs yn it Ingelsk, in part yn it Dútsk en it Frysk. GeoGraphixs biedt learlingen de mooglikheid om in eigen personalisearre portfolio gear te stallen. Mei dit portfolio, yn kombinaasje mei de GeoGraphixs Examentraining, riedt de learling him op in yngeande wize ta op it eineksamen. Dêrneist biedt GeoGraphixs ekstra ynformaasje en aktueel digitaal boarnemateriaal, as oanfolling op de yn Nederlân meast brûkte ierdrykskunde-metoades. 
|
|
Eardere spesjale workshops fan GeoGraphixs:
Sovjet MytheKeunst yn tsjinst fan it sosjalisme yn de Sovjet Uny fan Lenin en Stalin. Yn it Drents Museum yn Assen wie oant en mei 9 juny 2013 wurk fan in grut tal Sovjet keunstners te sjen. Sy toanden in byld fan in maatskippij, dy 't der nei alle gedachten nea west hat. In byld fan de Sovjet lânbou, yndustry en de rol, dy 't de sport yn de Sovjet Uny spile. Yn de workshop kamen wy yn 'e kunde mei it politike systeem fan de Sovjet Uny fan it begjin oant de ein fan de jierren '80.
|
Ien fan de tentoanstelde keunstwurken fan de eksposysje Sovjet Mythe yn 2013 yn it Drents Museum.
|